FORO DE INMIGRACIÓN
(SÓ ASOCIACIÓNS DA ZONA DE SANTIAGO)
CONVOCATORIA DE XUNTANZA ORDINARIA PARA O MÉRCORES DÍA 4 DE FEBREIRO DE FORMA EXCEPCIONAL POLA CONVOCATORIA ABERTA A OUTROS COLECTIVOS, ÁS 20:00 H NO CENTRO SOCIAL DE FONTIÑAS (RÚA BERLÍN Nº 13). TEL: 981-576142-981580506
ORDE DO DÍA (de forma excepcional cun só punto na orde do día)
1.-PREPARACIÓN DA II SEMANA GALEGA DE LOITA CONTRA AS FRONTEIRAS. Segundo a seguinte convocatoria aberta a outras persoas, entidades e colectivos:
O carácter represivo e criminalizador da política migratoria española e europea cada vez faise máis patente.
A brutalidade policial contra as persoas migrantes na fronteira sur, os voos de deportación masiva ou “voos da vergoña” que están a encher as arcas das empresas aéreas, as devolucións sumarias eufemisticamente chamadas “en quente” avaladas pola Lei de Seguridade Cidadá, o internamento en Centros de Internamento de Estranxeiros (CIEs) ou as redadas racistas que teñen lugar cotiamente dan boa mostra diso.
Porén, as restricións e vulneracións de dereitos ás que están sometidas as persoas migrantes van moito mais alá das actuacións que de cando en vez saltan à primeira plana dos medios de comunicación. No labirinto institucional e burocrático tamén atopamos múltiplas fronteiras e altas doses de racismo e xenofobia.
Para denunciar a situación nas fronteiras exteriores e interiores o Foro Galego da Inmigración levou a cabo o pasado ano a I Semana de Loita contra as Fronteiras, na que contamos coa participación de moitas de vós.
Este ano gustabamos de contar coa túa contribución tamén no deseño e organización das actividades que terán lugar durante esa semana de actos coordinados en diferentes cidades galegas.
Nese encontro imos facer unha breve explicación da actual situación das políticas migratorias e consensuar as actividades que os diferentes colectivos e persoas propoñan para desenvolver na II Semana de Loita contra as Fronteiras.
FORO GALEGO DE INMIGRACIÓN
Rúa San Roque 6-bis. C.P. 15704 – Santiago de Compostela
foroinmigracionsantiago@yahoo.es – 981-576 142
Rúa San Roque 6-bis. C.P. 15704 – Santiago de Compostela
foroinmigracionsantiago@yahoo.es – 981-576 142