Amigos este es el manifiesto presentado en la VI Asamblea realizada el domingo 29 de mayo.
MANIFIESTO: NINGUÉN SOBRA NUNHA CRISE
Mes: May 2011
Comunicado de prensa
FORO GALEGO DE INMIGRACIÓN
COMUNICADO DE PRENSA
O Foro Galego de Inmigración formado polas asociacións e entidades recollidas abaixo (máis de 80 asociacións e entidades de toda Galicia) convoca unha Rolda de Prensa informativa o mércores día 25 de Maio ás 11:00 h na Galeria Sargadelos (Rúa Nova nº 16) en Santiago de Compostela para :
– Presentar a VI Asemblea Xeral Galega de Inmigración e Emigración de Retorno que promovida polas máis de 80 asociacións e entidades deste Foro celebrarase o domingo día 29 de Maio en Santiago de Compostela , no IES Xelmirez I (Rúa Poza de Bar- Campus Sur) desa cidade a partir das 10:00 h. A Asemblea contará con representantes da inmigración e emigración de retorno das Asociacións e Entidades de toda Galicia, e é continuación das celebradas en anos anteriores en Vigo, A Coruña , Ourense e Ferrol.
– A Asemblea baixo o lema: Ninguen Sobra Nunha Crise , que serve de base a Campaña que o Foro Galego de Inmigración ven desenvolvendo a ao longo do presente ano 2011, quere explicitar que nun contexto de Crise Económica, Social e Política, e de forte recurte dos dereitos sociais, laborais e cidadáns, que “Non sobra ningunha persoa nunha crise. Sobran os malos xestos, os xestos de discriminación, de racismo, os que nos converten, ás persoas migrantes, en centro do discurso político e en culpables dunha crise que, desde logo, non provocamos. Sobran a especulación financeira, os paraísos fiscais e as grandes fortunas feitas pola explotación laboral. Sobran, por suposto, as persecucións e o acoso policial que mesmo mereceron unha advertencia da ONU ao Estado español”. Reafirmamos así o compromiso do colectivo migrante galego para axudar a construír alternativas fronte á situación de desemprego, explotación laboral e exclusión social dunha parte importante das persoas.
– Presentación do principal acto público da Asemblea:MARCHA E ACTO PÚBLICO BAIXO O LEMA: ”NINGUÉN SOBRA NUNHA CRISE”Con saída ás 13: 15h do Instituto Xelmirez I para despois de percorrer diferentes rúas da cidade, rematar cunha Concentración con lectura dun Manifesto Revindicativo ás 14:00 h na Praza do Toural
Para máis información : Miguel Fernández ou Rocío Rodríguez (981-580506/662-307019/600-876480)
|
FORO GALEGO DE INMIGRACIÓN
Rúa San Roque 6-bis. C.P. 15704 – Santiago de Compostela
foroinmigracionsantiago@yahoo.es – 981-576 142
Convocatoria
Programa Sin Fronteras nº 28
Programa Sin Fronteras nº 28, emitido o mércores 11 de maio, no que a compañeira Susana Alaniz, alén de abordar outros temas, realizou unha entrevista a Eduardo Romero, quen nos acompañou a pasada semana nas actividades da campaña «Ninguén sobra nunha crise».
http://sinfronterasrf.blip.tv/file/5140836/
Sin Fronteras é un programa da Rádio Comunitaria Filispin, de Ferrol, que se emiten en directo os mércores e domingos. Podedes atopar os audios na web: http://sinfronterasrf.blogspot.com/
ASAMBLEA 2011
DESCARGA TRÍPTICO ASAMBLEA
“NINGUÉN SOBRA NUNHA CRISE” ROLDA DE PALESTRAS-PRESENTACIÓN
ROLDA DE PALESTRAS-PRESENTACIÓN
CAMPAÑA “NINGUÉN SOBRA NUNHA CRISE”
Foro Galego de Inmigración
“O impacto da crise sobre as persoas migrantes”
– CORUÑA: Luns, 09 de Maio ás 20:00hs Fórum Própolis (R/Barcelona, 115). Con Eduardo Romero. Colectivo Cambalache (Asturies)
“Reflexións entorno ás consecuencias da crise
nas persoas migrantes”
– VIGO: Martes día 10 de Maio ás 20:30hs Cova dos Ratos (Romil, 3). Colaboran: Oficina de Dereitos Sociais de Coia e Grupo de Axitación Social.
– COMPOSTELA: Mércores día 11 de Maio ás 19:00hs Biblioteca Ánxel Casal (Avda de Xoán XXIII).
Con Eduardo Romero. Colectivo Cambalache (Asturies)
Diego Lores . Oficina de Dereitos Sociais de Coia (Vigo)
Integrantes do Foro Galego de Inmigración
“A destrución…espectacular de emprego nos dous últimos anos, con taxas de desemprego da poboación inmigrante superiores ao 30% e que chegan a triplicar ás da poboación autóctona, confirman o papel que xogaron como poboación excedentaria a que acudir no momento en que se precisa e é abandonada á súa sorte cando se acaba o período de crecemento” E.Romero
Eduardo Romero: “Un deseo apasionado de trabajo más barato y servicial. Migraciones, fronteras y capitalismo”
A situación descrita por Eduardo Romero no seu libro sérvenos de base para ollar cara a realidade actual. Ademais do paro, da precariedade e das dificultades económicas que afectan o conxunto da poboación, no caso das persoas migrantes hai que sumar máis un elemento de empeoramento da nosas condicións de vida. Tratase do efecto dunhas políticas cada vez máis restrictivas, subordinadas a un enfoque utilitarista e criminalizador das migracións, alén do acoso policial e a humillación da identificación en calquera hora e lugar simplemente por ter unha cor de pel diferente.
Estas análises foron o punto de partida para a posta en marcha da Campaña “Ninguén sobra nunha crise” do Foro Galego de Inmigración. Esta ten como obxectivo fundamental evidenciar a situación na que se atopan as persoas migrantes ante o actual cenario de crise e en concreto ante os recortes de dereitos e liberdades derivados da aplicación do recetario neoliberal para paliar os efectos da mesma. Tamén pretendemos visibilizar as achegas que estivemos e estamos a facer a esta sociedade, non só no terreo económico, senón desde un punto de vista cultural, social, afectivo e simbólico.
Na presentación da Campaña contaremos coa presencia de Eduardo Romero, investigador do colectivo asturiano Cambalache. Ademais do libro anteriormente citado Eduardo ten editados materiais sobre “migracións e desenvolvemento”, intereses das multinacionais ou lei de extranxeiría. Por outra banda ten participado en campañas contra a represión das persoas migrantes en Asturias.
A Oficina de Dereitos Sociais tentará achegar a realidade do mundo dos servizos sociais, que en tempos de crise queda espido amosando que as respostas que propón para aqueles que veñen sufrindo as miserias do sistema capitalista son de tipo superficial e que se dirixen a manter a orde establecida. Na relación con ese sistema as persoas migrantes sofren coma outros colectivos os atrasos nas tramitacións de prestacións básicas, a insuficiencia de recursos, a perda de dereitos sociais, etc.
Participa na organización o Grupo de Axitación Social (GAS) que comparte coa Oficina de Dereitos Sociais campañas de denuncia sobre os recortes sociais que sufrimos nos últimos tempos.
A utilización de man de obra barata e carente de dereitos co fin de asegurar a acumulación de beneficios, o endurecemento da lexislación sobre migracións e o uso de dispositivos cada vez máis sofisticados de controle de fronteiras externas e internas, a utilización mediática da chegada de novas persoas migrantes e a saída á luz de actitudes e discursos xenófobos serán algúns dos temas que se tratarán nesta mesa redonda, a través da cal pretendemos reflexionar sobre as consecuencias que o sistema capitalista ten sobre todas as persoas explotadas e dar a coñecer o traballo dos diferentes colectivos que participan nestas actividades.
ACCIONES FORMATIVAS NUEVAS
Cruz Roja Santiago de Compostela
Avda. Lugo s/n
15703 Santiago de Compostela
Tel. 981 586 969 Extensión 16
Foro Galego de Inmigración 