V SEMANA DE LOITA CONTRA AS FRONTEIRAS Sem nós non se move o mundo!

V SEMANA DE LOITA CONTRA AS FRONTEIRAS 
 
Sem nós non se move o mundo! 
Fronte a violencia patriarcal, autoorganización e apoio mutuo no emprego do fogar Nos últimos cinco anos o Foro Galego da Inmigración adica unha semana a visibilizar as fronteiras que separan as persoas migrantes do conxunto da poboación, restrinxindo o seu acceso a dereitos e liberdades.
 Nese traballo de sensibilización abordamos tanto as fronterias exteriores e os mecanismos represivos da política migratoria española como tambén outras barreiras moito mais sutís ou que permanecen invisíbeis para a meirande parte da cidadanía.
Desta volta abordaremos as fronteiras no aceceso a dereitos laborais, en concreto nun sector maioritariamente ocupado por mulleres migradas como é o emprego do fogar e de coidados. No Estado Español o 90 por cento das empregadas do fogar e de coidados son mulleres; un 46,7 por cento delas teñen tras de si unha historia de migración.
 Da mán de traballadoras organizadas nun espacio autónomo imos coñecer a súa experiencia e o seu proceso de autoempoderamento, ben como a laboura que están a facer en espazos de coordinación estatais para derrubar as fronteiras no acceso a dereitos laborais e sociais.
 Desde esas redes de coordinación estase a desenvolver unha intensa campaña pola ratificación por parte do estado español do Convenio 189 elaborado pola Organización Internacional do Traballo no 2013. Este establece que as empregadas do fogar deben gozar dos mesmos dereitos laborais que os demais sectores, o que abriría a porta para acadar o recoñecemento da prestación por desemprego. Unha discriminación maiúscula que da boa mostra da violencia estrutural, económica e laboral que recae sobre esas traballadoras, aproximadamente unhas seiscentas mil no conxunto do Estado. Tamén de como os traballos que reproducen e sustentan a vida cada día seguen a ser considerados de segunda categoría, relegados á esfera do privado, sin recoñecemento, nin regulación, nin tampouco responsabilidade social sobre as condicións nas se realizan.
Portanto a Semana de Loita contra as Fronteiras enmarcase desta volta no contexto de denuncia das violencias machistas. Á discriminación no acceso á protección social súmanse a falta de contrato e alta na Seguridade Social, as restriccións para acceder a unha baixa ou a dificuldade para que se lles recoñezan accidentes de traballo e enfermedades profesionais, a non retribuición de horas extras, a falta de respeto dos tempos de descanso e de intimidade nos domicilios, o asedio sexual, entre outras.
 Mais fronte a discriminación e a explotación, unión. Esta é a resposta que lle están a dar as nosas convidadas á maraña de violencias á que están sometidas as traballadoras do fogar e de coidados. Acompañarannos Jacqueline Loayza e Roxana Gutiérrez da Asociación Sociocultural NOSOSTRAS por los cuidados y el empleo de hogar de Granada que nos van falar en primeira mán do seu proceso organizativo, das súas loitas, soños e enredos. Debido ao pouco tempo que poden arrebatar das súas xornadas laborais e vidas atribuladas este ano os actos da Semana de Loita contra as Fronteiras concentraranse en dous días. Dous días intensos como as mulleres que nos visitan, nos que amosaran que a autoorganización e o apoio mutuo son ferramentas fundamentais para construír vida dignas, plenas, en liberdade e sen violencia.
 
Programa: 
 
24/11 venres CORUÑA 19:00hs Asociación Viraventos: Mesa redonda “Sen nós non se move o mundo”. Con Roxana Guitiérrez (Asociación Nosotras), Fundación Juan Soñador (Programa Teranga), Ecos do Sur (Proxecto Ecolimp). 
 
FERROL 19:30hs no Ateneo Ferrolán: Mesa redonda “DEREITOS E ABUSOS NA EMPREGADA DO FOGAR”. Con Jacqeline Loayza (Asociación NOSOTRAS), Luca Chao e Saínza Ruiz. 
 
25/11 sábado COMPOSTELA 17:00hs na Caso do Matadoiro: Conversatorio “SEN NÓS NON SE MOVE O MUNDO. Auto organización e apoio mutuo nos coidados e emprego do fogar. Dinamizan as compañeiras da ASOCIACIÓN NOSOTRAS.
 .
Máis información e contacto:
 Miguel Fernández 662 30 70 19
Jaqueline Loayza 671 48 29 59
Roxana Gutiérrez 650 24 28 85
Cartaz conversatorio nov 2017-001
Cartel Foro Galego de Inmigración-001
Anuncios

ENCONTRO 2017 FORO GALEGO DE INMIGRACIÓN (10 de junio)

 ENCONTRO 2017 FORO GALEGO DE INMIGRACIÓN – 10 DE XUÑO DE 2017
 
Polo dereito a vivir dignamente” 
Lugar:  A CORUÑA. CASA MUSEO CASARES QUIROGA. Rúa Panadeiras n.º 12 (no centro histórico)
Programa:
10:30 H: Acollida
11:00 H: Mesa Redonda: “Rachemos coas fronteiras da exclusión: O papel das rendas sociais.”. Silvia Cameán,  Concelleira de Benestar Social de A Coruña; Ruth López (Colectivo Baladre-Erletxea); unha persoa perceptora da renda local de A Coruña; Bieito Lorenzo Penela (Colectivo pola Renda Básica Universal de Compostela). Modera Leticia Castro (Foro Galego de Inmigración).
13:00H: Pasarúa Revíndicativo (preténdese que teña un carácter festivo, con música e non que sexa unha simple manifestación) que rematará no Campo da Leña.
14:00H. Xantar compartido.
16:00H: Formación “Renda básica das iguais; construíndo comunidade para desbordar o capitalismo” a cargo de Ruth López (Baladre-Erletxea).
17:30H: Espazo de Asemblea.
18:30H: Remate do Encontro. 
 
Xuntase  Cartel 
IMPORTANTE; Para sair dende Santiago de Compostela quedamos no CTC (Centro de Traballo e Cultura de Cáritas – Rúa San roque 6- bis) ás 9:30 hs.
Para coordinar a saida dende Ferrol  falar con Susana (680 922 151)   
FORO GALEGO DE INMIGRACIÓN
Rúa San Roque 6-bis. C.P. 15704 – Santiago de Compostela
foroinmigracionsantiago@yahoo.es – 981-576 142

Encontro/Asemblea 2016

1-fronteirasa15_ferrolase

Encontro/Asemblea 2016 que o Foro Galego de Inmigración celebrará ese sábado día 11 de Xuño na cidade de Ferrol (no Ateneo) cunha ampla participación de representantes das asociacións, entidades e persoas de toda Galiza que conformamos o Foro Galego de Inmigración.

Ademáis desenvolveremos un  Acto Público Reivíndicativo ás 13:00 na zona dos  Cantóns, despois dunha Manifestación polas rúas máis centricas da cidade, para facer visible a realidade da inmigración entre a cidadanía, o Acto contará con actuacións musicais e perfomance teatral e rematará coa Lectura dun Manifesto. Convocamos ao conxunto da cidadanía a este Acto para amosar a solidariedade con este colectivo de persoas, conveciñas nosas,  que teñen os seus dereitos gravemente recurtados e que mesmo son   perseguidas nas nosas vilas e cidades.

Despois dun xantar compartido, pola tarde celebraremos a Asemblea Anual do Colectivo, aberta a participación de calquera persoa ou colectivo interesada que analizará o labor desenvolvido, incluíndo a promoción e activa participación na Rede Galega en Apoio ás Persoas Refuxiadas.

 As persoas interesadas  en participar poden contactar mandando un mail ou contactar telefónicamente

Santiago: 662 307 019  Miguel

A Coruña:     607 486 482    Rubén

Lugo:        645 213 555       Randi

Ferrol:     680 922 151         Susana