UNHA MOI BOA NOVA: PREMIO PORTAPAZ AO FORO GALEGO

UNHA MOI BOA NOVA.
Compañeir@s:
Onte luns pola tarde/noite chamaron do Seminario Galego de Educación para a Paz para informar que acordaran concedernos ao Foro Galego de Inmigración o seu premio anual o coñecido, e prestixioso,  premio PORTAPAZ,  que se entrega pola defensa dos valores que se corresponden cunha cultura de Paz. O acto de entrega será este venres día 27de xaneiro pola tarde en Compostela nun lugar aínda por determinar. Informaremos en canto o saibamos do lugar e hora (será pola tarde/noite), por se podedes achegaros, polo menos os de Compostela. O premio non ten dotación económica, pero penso que ten un importante valor simbólico.
Unha aperta
Miguel Fernández
FORO GALEGO DE INMIGRACIÓN
Rúa San Roque 6-bis. C.P. 15704 – Santiago de Compostela
foroinmigracionsantiago@yahoo.es – 981-576 142

XUNTANZA DO FORO GALEGO DE INMIGRACIÓN

 Santiago,  18 de xaneiro  de 2017.
 
Ola  Compañeiros e Compañeiras, despois dalgún contacto previo, porque na última non quedaramos nunha data concreta,   convocamos   XUNTANZA DO FORO GALEGO DE INMIGRACIÓN para o sábado día  28 de xaneiro do 2017  ás 11:00 h en Santiago no Centro Social de Fontiñas (Rúa Berlín nº 16 preto da Estacion de Autobuses e de Área Central, o  lugar habitual) Para rematar sobre ás 13:00 h.
 
A   Proposta de orde do día sería (con posibilidade, coma sempre, de incorporar calquer outro tema) :
 1.- Informacións sobre cuestións varias: Rede Galega en Defensa da Saúde. Rede Galega en Defensa das Persoas Refuxiadas. Comunicados de prensa por expulsión express dun rapaz paraguaio en Compostela  e en apoio do Compañeiro de Coia, Diego Lores.
2.- Avaliación da Semana Galega de Loita contra as Fronteiras (Decembro) e información doutras actividades realizadas.
3.-  Proposta de novas Actuacións  para o primeiro semestre do ano 2017 (ata o Encontro Final do Curso) Temáticas relacionadas coas rendas sociais, a persecución do colectivo migrante en situación irregular, os voos de deportación,  a situación das persoas manteiras, ou outras que se poidan propor.  
4Informacións, preguntas, suxestións, propostas, etc.
 
AGRADECEMOS QUE CONFIRMEDES A VOSA PARTICIPACIÓN NA XUNTANZA.
 
Para calquer dúbida ou aclaración contactar con Miguel ou Rocío (981-580506/ 662307019) Email:foroinmigracionsantiago@yahoo.es.
FORO GALEGO DE INMIGRACIÓN
Rúa San Roque 6-bis. C.P. 15704 – Santiago de Compostela
foroinmigracionsantiago@yahoo.es – 981-576 142

FORO DE INMIGRACIÓN (SÓ SANTIAGO)

FORO DE INMIGRACIÓN
(SÓ ASOCIACIÓNS DA ZONA DE  SANTIAGO)
 
CONVOCATORIA DE XUNTANZA ORDINARIA PARA O MÉRCORES  DÍA 11 DE XANEIRO ÁS 20:30 H NO CENTRO TRABALLO E CULTURA (Rúa San Roque nº 6Bis). TEL: 981-576142-981580506
ORDE DO DÍA(aberto coma sempre a que se poida achegar outros puntos que consideredes axeitados):
 
1.- En Defensa dos Dereitos das Persoas Migrantes: Actividades desenvolvidas e que temos previstos desenvolver no marco da Rede Galega en Defensa da Sáude. Actividades no marco da Rede Galega en Apoio ás Persoas Refuxiadas (Acto Obradoiro 28/12/2016).
 
2.- Avaliación da  Semana de Loita contra as Fronteiras en torno as Rendas Sociais 14-18 de Decembro
 
3.- Avaliación das Actividades interculturais no Nadal, promovidas polos colectivos migrantes con colaboración do Concello.
 
4.- Proposta de  Novas Actuacións e Actividades  para desenvolver no primeiro semestre de 2017.
 
5.- Información de actuacións e actividades das entidades e colectivos participantes no Foro.
 
6.- Preguntas e Suxestións.
 
FORO GALEGO DE INMIGRACIÓN
Rúa San Roque 6-bis. C.P. 15704 – Santiago de Compostela
foroinmigracionsantiago@yahoo.es – 981-576 142

14 a 17 Decembro Semana de Loita Contra as Fronteiras “Ningunha persoa sen dereitos!”

O Foro Galego da Inmigración aborda as fronteiras no acceso a prestacións e dereitos sociais, informando e sometendo a análise as recen implantadas rendas municipais. Convocan a unha manifestación contra as fronteiras e as políticas migratorias o sábado 17 as 12hs na Praza do Toural.

Cada ano ano adicamos os días próximos ao 18 de Decembro, Día Internacional das Migracións, para denunciar o carácter represivo e criminalizador das políticas migratorias.

Nesas datas non só amosamos as vulneracións de dereitos na fronteira sur, senón que tratamos de visibilizar aqueles dispositivos de control e exclusión das persoas migrantes que se levan a cabo moi preto de nós, nas mesmas vilas e cidades que habitamos.

En anteriores edicións abordamos a realidade dos Centros de Internamento de Estranxeiros, a exclusión sanitaria que supuxo o Real Decreto 16/2012 ou a existencia dos voos de deportación cos que se veñen lucrando as empresas aéreas.

Desta volta, escollemos examinar un dispositivo moito máis sofisticado e invisíbel como son as fronteiras institucionais que impiden o acceso a dereitos básicos, catapultando as persoas migrantes a situacións de vulnerabilidade e exclusión.

Con bastante frecuencia vimos denunciando as trabas que se dan no ámbito da educación e da atención sanitaria. A súa vez, no eido laboral temos un brutal exemplo de fronteira institucional-administrativa representado na situación das traballadoras do fogar, maioritariamente mulleres migradas, sometidas a condicións de explotación e discriminación no acceso a dereitos tan elementais como a prestación por desemprego.

No entanto hai outra dimensión na que tamén se instauran fronteiras entre  veciñas dunha mesma comunidade. Entendemos que pouco se ten tratado a situación das persoas migrantes en relación aos dereitos sociais desde unha posición de xustiza e equidade.

O que si teñen abundado son os discursos xenófobos que explotan mitos interesados e falsos sobre o colapso de servizos públicos e o acceso preferencial a axudas. Mentiras que teñen como obxectivo fracturar e crear un inimigo interno, ao mesmo tempo en que aboan o terreo para o avanzo do fascismo máis descarnado.

Seguiremos a combater tales discursos e reivindicar o dereito a vivir dignamente de todas as persoas, así como denunciar a exclusión das persoas migrantes en situación irregular de practicamente todas as prestacións sociais como é o caso da RISGA ou das axudas de emerxencia social.

No caso das persoas comunitarias, o pasado ano xunto a Oficina de Dereitos Sociais de Coia denunciamos os atrancos que lles impuxo a Lei de Inclusión Social de Galicia, amosando que no labirinto institucional tamén atopamos múltiplas fronteiras e altas doses de racismo e xenofobia.

Só moi recentemente e debido ao traballo de incidencia do Foro Galego da Inmigración ampliouse o dereito a acceder ás rendas municipais a aquelas persoas en situación irregular que reúnan os requisitos. Aínda así, consideramos que estas prestacións constitúen ferramentas moi febles e insuficientes para facer fronte ás necesidades básicas dunha poboación cada vez máis depauperada.

Entendemos que a exclusión nos dereitos sociais e a imposibilidade de garantir a satisfacción de necesidades como alimentación, vivenda e suministros, funciona como unha panca para a subordinación e a explotación laboral a que é sometida a poboación migrante.

Esta circunstancia se ve agravada pola aplicación dunha Lei de Estranxeiría profundamente restritiva e discrecional, conducindo a millares de persoas con contrastable arraigo a situacións de irregularidade sobrevida e a deportacións sumarias. Recentemente mobilizámonos para denunciar a deportación dun  mozo veciño de Compostela, que levaba 14 anos convivindo entre nós e mesmo chegara a estar tutelado pola Xunta de Galicia durante catro anos.

Para abordar as fronteiras no acceso a dereitos sociais contaremos coa participación de Manolo S. Bayona, integrante da Coordinación Baladre de Loitas contra a precariedade, o empobrecemento e a exclusión, e con profesionais do ámbito dos servizos sociais e inclusión.

A través de charlas en distintas localidades e dun conversatorio, trataremos as barreiras no dereito a vivir dignamente e someteremos a un análise crítico as rendas municipais e máis concretamente a compostelá Renda de Garantía Social Municipal.

Programa de actividades da Semana de Loita contra as Fronteiras:

MÉRCORES 14. FERROL

Colóquio “Fronteiras invisíbeis e dereitos sociais”, con Manolo S. Bayona (Coordinación Baladre). 19hs. Ateneo Ferrolán (Rúa Magdalena nº 202-204)

VENRES 16. CORUÑA.

Colóquio “Fronteiras invisíbeis e dereitos sociais”, con Manolo S. Bayona (Coordinación Baladre). 19hs. Asociación Viraventos (R/ Mosteiro de Caaveiro, 4, baixo).

SÁBADO 17. FERROL

Proxección do Documental Astral e Mesa Redonda con Xabier Ron e Maite Bustamante. 11:30 h. Ateneo Ferrolán (Rúa Magdalena nº 202-204)

SÁBADO 17. COMPOSTELA

12hs. Praza do Toural. Concentración “Contra as fronteira e as políticas migratorias: Solidariedade!

18hs. CTC San Roque. Conversatorio “Ningunha persoa sen dereitos!” Renda municipal e dereito a vivir dignamente. Con Manolo S. Bayona e Leticia Castro.

cartel-semana

conversatorio-santiago

cartaz-ferrol

COMUNICADO DE PRENSA URXENTE

FORO DE INMIGRACIÓN (SÓ SANTIAGO)

FORO DE INMIGRACIÓN
(SÓ ASOCIACIÓNS DA ZONA DE  SANTIAGO)
 
 
CONVOCATORIA DE XUNTANZA ORDINARIA PARA O MÉRCORES  DÍA 2 DE NOVEMBRO ÁS 20:30 H NO CENTRO TRABALLO E CULTURA (Rúa San Roque nº 6Bis). TEL: 981-576142-981580506
ORDE DO DÍA(aberto coma sempre a que se poida achegar outros puntos que consideredes axeitados):
 
1.- En Defensa dos Dereitos das Persoas Migrantes: Actividades desenvolvidas e que temos previstos desenvolver no marco da Rede Galega en Defensa da Sáude (Información da Xuntanza do 26 de Outubro) Actividades no marco da Rede Galega en Apoio ás Persoas Refuxiadas.(Información xuntanza local da Rede de Compostela do 26 de outubro).
 
2.- Información Xuntanza do Foro Galego do 15 de Outubro: Obradoiro “Desafiando Fronteiras”, previsto para o sábado día 12 de novembro. Tentar conseguir á máxima difusión do mesmo e a máxima participación
 
3.- Actividade proposta para o sábado 3 de decembro, ao estilo dos Conversatorios sobre rendas mínimas municipais/rendas básicas no CTC en Compostela
 
4.- Proposta de nova “semana de loita contra as fronteiras”, entorno ao 18 de decembro, sobre a realidade do top manta,
 
5.- Deseño de nova actividade intercultural, coa posibilidade de dirixila cara ás persoas novas
 
6.- Información de actuacións e actividades das entidades e colectivos participantes no Foro.
 
7.- Preguntas e Suxestións.
FORO GALEGO DE INMIGRACIÓN
Rúa San Roque 6-bis. C.P. 15704 – Santiago de Compostela
foroinmigracionsantiago@yahoo.es – 981-576 142